Праграма «У будучыню – з надзеяй!» прайшла на Брагiншчыне

У гэтым годзе перад жыхарамi Камарына выступiлi артысты Белдзяржфілармоніі, ансамбль «Сеніца», а таксама юныя таленты гарадскога пасёлка.

Міжнародная сацыяльна-творчая праграма «У будучыню – з надзеяй!» (раней яна называлася «Чарнобыльскі шлях – дарога жыцця») праходзіць ужо на працягу 34 гадоў у раёнах, пацярпелых ад наступстваў аварыі на Чарнобыльскай АЭС.

Штогод гэтая рэспубліканская акцыя аб'ядноўвае юныя таленты з раёнаў Брэсцкай, Гомельскай і Магілёўскай абласцей, якія пацярпелі ад аварыі на Чарнобыльскай АЭС. Гэты музычны фэст дае старт юным артыстам да вяршыняў музычнага Алімпу.

Традыцыйна падчас дзіцячага свята мастацтваў арганізуюцца выставы работ таленавітых рабят, дзе можна пазнаёміцца з творчасцю юных мастакоў, майстроў разьбы па дрэве, бісерапляцення.