Дэпартамент па ліквідацыі вынікаў катастрофы на Чарнобыльскай АЭС МНС Беларусі
Дэпартамент па ліквідацыі вынікаў катастрофы на Чарнобыльскай АЭС Міністэрства па надзвычайных сітуацыях Рэспублікі Беларусь надзелены паўнамоцтвамі кіравання чатырма падведамнымі арганізацыямі чарнобыльскай накіраванасці. Кожная з арганізацый выконвае практычныя мерапрыемствы ў пераадоленні наступстваў катастрофы на Чарнобыльскай АЭС.
Адміністрацыя зон адчужэння і адсялення
Адміністрацыя зон адчужэння і адсялення функцыянуе з ліпеня 1992 года і фінансуецца са сродкаў рэспубліканскага бюджэту, што накіроўваюцца на ліквідацыю вынікаў катастрофы на Чарнобыльскай АЭС.
Асноўныя задачы, якія вырашаюцца Адміністрацыяй зон адчужэння і адсялення:
- ажыццяўленне арганізацыйных і кантрольных функцый па выкананні прававога рэжыму на тэрыторыях зон адчужэння і адсялення;
- ўлік будынкаў і збудаванняў, кантроль стану могілак і помнікаў на тэрыторыі зоны;
- інфармаванне насельніцтва, якое пражывае ў зоне, аб узроўнях забруджвання і патрабаваннях радыяцыйнай бяспекі;
- арганізацыя рэйдаў і правядзенне праверак па выяўленні парушэнняў патрабаванняў прававога рэжыму, фактаў браканьерства.
Сваю дзейнасць яна ажыццяўляе ў 8 раёнах Гомельскай і 5 раёнах Магілёўскай абласцей. На тэрыторыі гэтых раёнаў знаходзіцца 418 адселеных населеных пунктаў.
Дзяржаўная прыродаахоўная навукова-даследчае ўстанова «Палескі дзяржаўны радыяцыйна-экалагічны запаведнік»
Палескі дзяржаўны радыяцыйны запаведнік (ПДРЭЗ) быў створаны на тэрыторыі часткі Хойніцкага, Брагінскага і Нараўлянскага раёнаў Гомельскай вобласці. На яго тэрыторыі плошчай 216.093 гектараў змяшчаецца каля траціны цэзія-137, больш за 70 адсоткаў стронцыю-90 і 97 адсоткаў ізатопаў плутонію, якія выпалі на тэрыторыю Беларусі.
Сёння запаведнік - самая буйная прыродаахоўная арганізацыя рэспублікі, у якой працуюць больш за 700 чалавек. На яго тэрыторыі знаходзяцца рэдкія віды раслін жывёл, птушак, занесеныя ў Чырвоную кнігу Рэспублікі Беларусь.
Асноўныя задачы запаведніка:
- ажыццяўленне мерапрыемстваў па прадухіленню пераносу радыенуклідаў на прылеглыя тэрыторыі;
- радыяцыйна-экалагічны маніторынг навакольнага асяроддзя;
- абарона ад пажараў і ахова тэрыторыі ад несанкцыянаванага пранікнення;
- пасадка лесу на тэрыторыях, схільных ветравой і воднай эрозіі;
- ажыццяўленне планамерных навуковых даследаванняў па ацэнцы ўплыву радыеактыўнага забруджвання на раслінны і жывёльны свет.
Навуковая частка Палескага дзяржаўнага радыяцыйна-экалагічнага запаведніка пачала фармавацца ў канцы 1990 года і грунтуецца ў былым населеным пункце Бабчын. Яна ўключае ў сябе тры навуковых аддзела і лабараторыю радыяцыйных вымярэнняў.
Запаведнікам таксама актыўна развіваецца пазабюджэтная дзейнасць: дрэваперапрацоўкі, племянная конегадоўля, пчалярства, вырошчванне саджанцаў пладовых культур.
Рэспубліканскія спецыялізаваныя ўнітарныя прадпрыемствы "Палессе" і "Радон»
Рэспубліканскія спецыялізаваныя ўнітарныя прадпрыемствы "Палессе» (г. Гомель) і «Радон» (г. Магілёў) былі створаны ў 1990 годзе для выканання спецыяльных работ па ліквідацыі наступстваў чарнобыльскай катастрофы на тэрыторыі Гомельскай і Магілёўскай абласцей адпаведна. Іх задачы: пахаванне прыватных падворкаў і вытворчых будынкаў, дэзактывацыя аб'ектаў адукацыі, культуры, аховы здароўя, абслугоўванне і рамонт пунктаў пахавання адходаў дэзактывацыі. Прадпрыемства «Радон» таксама ўдзельнічае ў рэалізацыі праграм будаўніцтва жылля ў сельскіх населеных пунктах.
За перыяд дзейнасці прадпрыемствам "Палессе" ў забруджаных раёнах Гомельскай вобласці пахавана звыш 5 тысяч падворкаў і вытворчых будынкаў, праведзена дэзактывацыя 225 аб'ектаў адукацыі, культуры, аховы здароўя, забяспечваецца абслугоўванне і рамонт 83-х пунктаў пахавання адходаў дэзактывацыі (ПЗОД).
Прадпрыемствам «Радон» пахавана на адселеных тэрыторыях звыш 6 тысяч падворкаў і вытворчых будынкаў, праведзена дэзактывацыя 102 аб'ектаў адукацыі, культуры, аховы здароўя і народнай гаспадаркі, забяспечваецца кантроль, абслугоўванне і рамонт ПЗОД. Акрамя таго, «Радон» таксама ўдзельнічае ў рэалізацыі праграм будаўніцтва жылля ў сельскіх населеных пунктах.
Прадпрыемства ажыццяўляе шматпрофільную гаспадарчую дзейнасць, мае дзяржаўныя ліцэнзіі на праектаванне і будаўніцтва будынкаў і збудаванняў 1 і 2 узроўняў адказнасці.
