Дэпартамент па ліквідацыі вынікаў катастрофы на Чарнобыльскай АЭС МНС Беларусі
Дзень маці адзначаецца 14 кастрычніка
У Беларусі 11–17 кастрычніка праходзіць Тыдзень маці. У гэты перыяд на тэрыторыі ўсёй краіны праводзяцца шматлікія мерапрыемствы і акцыі, якiя закліканы падкрэсліць важнасць ролі маці ў жыцці грамадства.
Дзень маці – адно з самых кранальных і значных святаў, якое адзначаюць штогод 14 кастрычніка. Бо няма на свеце чалавека бліжэй і даражэй, чым мама!
Гэты дзень – выдатная магчымасць выказаць сваю любоў і падзяку самаму галоўнаму ў нашым жыцці чалавеку – мацi. Цяпло яе сэрца, пяшчотныя рукі і самазабыўнае каханне вядуць нас па жыцці. Нязмерны выдаткі яе душэўных сіл, якiя накіраваны на клопат пра дзяцей, іх годнае выхаванне і станаўленне, забеспячэнне ўтульнасцi і дабрабыту ў хаце. Мама падтрымлівае на жыццёвым шляху, абараняе і беражэ, дае сілы, дапамагае пераадольваць цяжкасці і нягоды.
Дзякуй вам, нашы мілыя жанчыны, за вашу нялёгкую мацярынскую працу, міласэрнасць, цярпенне і душэўную шчодрасць. Хай шырата вашых сэрцаў, мудрасць і вера дапамагаюць устаць на ногі і адчуць сябе любімымі і патрэбнымі.
Дэпартамент па ліквідацыі вынiкаў катастрофы на Чарнобыльскай АЭС МНС выказвае жанчынам самыя шчырыя пажаданні моцнага здароўя, міру, дабрабыту, а таксама высока цэніць іх працу.
Традыцыйна ўшанаванне жанчын-маці праходзіць і ў арганізацыях сістэмы Дэпартамента: Палескім дзяржаўным радыяцыйна-экалагічным запаведніку, спецыялізаваных прадпрыемствах «Палессе» і «Радон», Адміністрацыі зон адчужэння і адсялення.
Аднак нішто не можа замяніць тыя клопат і ўвагу, якія здольныя даць сваім пажылым бацькам іх дзеці. Не забывайце і пра тое, што простыя для любога дарослага чалавека дзеянні дапамогуць абараніць родных ад надзвычайных сітуацый. Пра гэта глядзiце ў фiльме МНС «Трэба дома бываць часцей…».
Іншыя навіны
